رسمياً بروحي في استوديو مارينا افم ام
الموضوع الي بتكلم فيه لغة العيون فقط لا غير هيا لله الي يقدر يقرأها راح يقدر يقراء اصعب احساس بالدنيا وأسهله وأكثر احساس غامض وأكثر احساس واضح من أول من انسحرنا وعشقنا عشقنا بسبب التقاء اول للعيون صارت لحضة الي تتلاقاء فيها عيونا مع بعض هيا من الحظات اللي نحلم بها يومياً تخيل بإن البعض مايعرف الثاني ولا عمره تقرب منه ولكن من عيونه يحس انه انسان يعرفه..
تخيل نحنا اذا مانعرف بعض اقولك مااعرفك بس احس عيونك فيها حزن احس عيونك فيها فرح احس عيونك فيها ألم احس عيونك فيها حُب احس عيونك فيها احساس ماينشرح بالكلمات لانها لغة لغة خارقه مختلفه تماماً تغوص فيني وتغوص فيك ان قريت اقراء عيونك وان قريت اقراء إحساسك وان قريت اقراء كل الي انا ابي اعرفه عنك من خلال نضرات نتبادلها بخجل او بصراحه انا مؤمن ياجماعه ان لغة العيون هيا اجمل وسيله اننا نعبر فيها عن الي بقلبنا للإنسان اللي قدامنا لانه انا مو بيدي اذا عيوني المعت فجئه ان طراء طاري وانا مو بيدي اذا عيوني اذبلت حزن اذا ذكرو لي موقف سيىء ومع انسان اسواء وانا مو بيدي انه عيوني تتلاقط يمين ويسار اذا قالو لي تراء وصل
وانا مو بيدي اتحكم بهذا الشيء ولا اقدر أغمض عيني لانه ان غمضت عيني انا فضحت كل اللي فيني ومؤمن جداً انه اصدق ما قد يُقال من قلبك اقدر ألاقيه بس بعيونك لذالك أخذت على نفسي عهد بأني راح احاول اقراء لغة العيون بكثر مااقدر باني راح احاول أتعرف على كل انسان بحياتي من خلال عيونه
يُبين نضرته المستقبليه الى وين واصله اذا سولفت معاه عن طموحه وطالع بعيد بنفس الصوب
يُبين لأي درجه اهوا عاشق اذا تكلمت عنه وناظر الارض يُبين
يُبين اذا نطق كلمة احبك وعيني بعينه
يئله الإحساس الصادق حزتها يئُله ماراح يقدر يكذب خصوصاً بأن دراسات لغة العيون تقول
اذا كنت قاعد تكلم الشخص اللي قدامك ومال خلال كلامه بأنه يطالع الجهه اليسار اكثر فمعناته انه مو قاعد يكذب
الجهه اليمين اكثر فمعناته انه هوا صادق....
(حصرياُ حلقات المذيع علي نجم كتابياُ) شاهد الحلقه فيديو في نهاية الموضوع
أوكيه كلكم شويه وخرو اذا حط عينه بعيني وانا للحين حتى مااعرفه حتى شخصيته بعد ما تعلمت عليها وحتى أسلوبه لغاية الحين ماني فاهمه ولكن بس يحط عينه بعيني ادري انه في قلبه كلام وأيد قاعد يترجم اشوفه اذا شافني وده ان الزمن يوقف على شان لقاء عيوني وعيونه مع بعض ماينتهي..
صدقوني ياجماعه اذا قلنا بان القمر نشبهه بأجمل الأشياء وكل ما طرينا على لسانا احد يمتاز بالوسامة او تمتاز بالجمال قلنا عنه يشبه القمر.
تخيلو باني انا ضعت بعيونه وصرت ماادري اذا اشوف بدل القمر اثنين وعشقت بدال القمر اثنين
وقَعَدت اقراء ها العيون الثنتين،،
انا اليوم قاعد أفسر لغة عيون قريتها بس انا بروحي بعيون هذاك
هذاك اللي الى غاية الحين بعدي ماعرفت اساسه وبعدي ماعرفت كل اللي في قلبه بعدي ماعرفت هوا عاشق او مجروح اهوا طموح! اهوا انسان مرتاح في حياته ولا محتاج انه يفضفض ماادري!؟
كل اللي قاعد أسويه هوا أني قاعد انتظر اول لقاء بين عيوني وعيونه على شان أفسر اكثر،.
لان لغة العيون ياجماعه هيا اكثر ما يستهويني من بين الأحاسيس كلها.
وهيا اصدق ما يمكن ان اقرأه بعيون البشر اجمع''
ان عرفت إحساسك بعيونك هعرف اقراك كلك جربت مره انك تخلي اهتمامك بعيون الشخص اللي قدامك اكثر من اي شيء ثاني
يارب عيونك ان شاء الله مايكون فيها خذلان أبد
ويارب عيونك اللي يشوفها يشوف فيها السعد يشوف فيها الحياة الحلوه
يارب عيونك تكون دائماً عيون مبتسمه يارب عيونك دائماً تطالع المناظر الحلوة يارب عيونك دائماً تذل الفرح"
وانته ياللي عشقتك من عيونك اليوم قررت انه بالاضافة الى لغتي الام ادرس لغة العيون لأَنِّي محتاج اقراك ما كان الموضوع في بالي نهائياً ولكن من اول لقاء بين عيوني وعيونك قررت التالي:
انا اليوم أخذ الدرس الاول في لغة العيون وَيَا عساني اتخرج بأمتياز
(لمشاهدة الفيديو)
