مواضيع كثيره نعتبرها من خصوصياتنا ولا نبي احد يدخل فيها انحس انه لا قربنا عند هذه النقطه خلونا بحالنا البعض يمكن يكون وأيد اقدر أقول بسيط بالموضوع اللي ما يبي احد يتدخل فيه يمكن في ناس يقولون والله شدعوى ترى يعني بس قاعد اسئلك شلونك؟ إِيش فيك تقولي مو شغلك مثلاً ؟
سكوت صمت نقط علامات تعجب اكتب وامسح احاول اعبر ومو قادر خلوني بحالي شويه يا جماعه لا تدخلون في خصوصياتي لا تقولون ليش كتب الريتويت هذا ومين كنت اقصد لما أهديت الاغنيه هذي؟ هاااه خلوني بحالي..اطلبكم طلب اذا شفتوني قاعد بروحي لا تقربون لا تسئلون ..
ياخي كل إنسان يحتاج لحظه صفاء يحتاج بينه وبين نفسه يراجع أفكاره يحتاج يشوف اللي له واللي عليه مو دائماً لازم أجامل مو دائماً لازم ابتسم مو دائماً لازم أكون معاك بالصوره مو لازم اضحك واسولف عشان الجو::ياخي انت لما تكون قاعد بروحك وما تبي احد يدخل في لحظة سكونك وهدوئك""ليش ما ترضىء هذا الشي علينا نحنا بعد ليش اذا صرت قاعد بروحك ها اليومين ومحتاج بعض من لحضات هدوءا بينك وبين نفسك""يقولون عنك انه انت شايف نفسك ومغرور ولا يقولون عنك انطوائي وبس تبي تسكت وما تبي تسولف مع حد! ولا يقولون لك اي يوبه حطيت كل طاقتك بدوامك وشغلك وما ادري شنو لما جئتنا جئتنا ساكت ؟هل لازم انعزل عن الناس!هل لازم اقعد بروحي؟ هل لازم ادق سيارتي سلف واتمشىء ع البحر! يعني وأضل بروحي اقولب افكاري بمخي؟ معقوله صرتو تدخلون حتى في افكاري اللي بيني وبين نفسي ؟معقوله انه حتى عند لحضات التفكير بالي يخصني أوكيه افهم وأحب الناس اللي بالنسبه لهم انه اللي يخصني يخصه الناس اللي ما تحب تشوفك متكدر الناس اللي ما تحب تشوفني متضايق تبي تكون لي عون ما تبي تكون عليا فرعون يبون يوقفون معاي يبون سكوتي ينقلب ابتسامه على شان هما يرتاحون بس اسمحو لي أفهمكم شغله شغله حطوها بين قوسين شغله ادرسوها واعرفوها عدل ياجماعه مو كل ساكت مهموم مو كل ساكت متضايق مو كل ساكت تعبان مو كل ساكت صارة له مشاكل لا ياجماعه يمكن يكون الساكت عاشق يمكن يكون الساكت ولهان يمكن يكون الساكت مشتاق يمكن يكون الساكت قاعد يفكر فيك وقاعد يفكر اشلون يرضيك ترى الدنيا تلاهي وتشغلنا بوايد أمور من علاقات اجتماعيه من أهل من عمل من ذنب
